Baixo o conceito "chave en man", Decuna realizou para un laboratorio de análise de amostras de leite o deseño completo e posta en funcionamento dunha liña clasificadora automatizada con robot.

O propósito da liña é múltiplo:

• colocar as amostras en "pucks" (bases plásticas que permiten o seu traslado nas carrileiras)
• captura de datos, identificando cada amostra mediante leitura de código de barras e dándolle entrada no sistema
• agrupar diferentes conxuntos de amostras en "racks" para a súa entrada ás máquinas de laboratorio

A liña integra diferentes máquinas que destapan as amostras, insertan un conservante e as voltan tapar. Un robot, cunha garra capaz de manipular tanto racks como amostras, realiza a colocación dos tubos nos racks e os coloca en bancadas para seren recollidas polos operarios e cargadas nas máquinas de análise.

Dispoñemos dun software de xestión para plantas de enerxía solar con seguidores (Sistema dec-solar). O noso software dec-solar xestiona e obtén datos relevantes dos equipos, por exemplo:

* produción de enerxía por inversor
* control de posición de seguidor solar
* visualización da meteoroloxía e control da planta respecto de estas condicións
* axuste manual de posición de seguidores

A visualización de datos pódese facer vía terminal ou vía web mediante unha conexión segura. O almacenamento de datos realízase nun servidor local ou nun remoto.

Incorpora telecontrol da planta e xestión de alarmas (alarmas por SMS ou correo electrónico). O Sistema dec-solar é personalizable a medida do cliente. Consúltenos para ofertas.

O equipo de control de seguidores dec-trac foi realizado pensando en minimizar o custo das instalacións de energía solar, reducindo a cero a súa manutención. Usa componentes estándar, de grande fiabilidade e baixo custo.

dec-trac é un equipo robusto, con versións adaptadas a diversas tecnoloxías de seguimento:

- accionamiento hidráulico ou eléctrico
- instalacións no chan ou en cuberta
- alimentación monofásica ou trifásica
- seguimento a un ou dous eixos
- controlo centralizado ou autónomo
- lazo de controlo aberto ou fechado (con encoder ou inclinómetro)

A precisión de dec-trac (0,001º) é adecuada para esixentes instalacións con heliostatos (tecnoloxía de torre) ou concentración solar fotovoltaica (CPV).

Decuna realizou, traballando conxuntamente cun integrador que proporcionou a parte mecánica da instalación, o deseño, automatización e posta en marcha dun "transtocker" (transportador elevador automático) para unha liña de produción de asentos para automóvel.

O transtocker permite un gran aforro de espazo para a planta produtora, así como unha optimización dos procesos produtivos para poder subministrar os asentos non só "Just in Time", senón "Just in Sequence" (na mesma orde que o fabricante de automóveis require na súa produción).