Co obxecto de automatizar a fabricación nun proceso de inxección de plásticos, Decuna implantou un robot de descarga e paletizado para atender dúas inxectoras.

A vantaxe principal é que o robot é capaz de descargar as pezas ao saíren do molde da inxectora e colocalas en cestóns en automático. Isto principalmente aforra o custo de colocar dous brazos robots para cada máquina de inxección, facendo que un robot sexa capaz de servir ás dúas.

O robot recebe mediante comunicación coa inxectora os sinais necesarios para saber cando retirar a peza da mesma.

Alén diso, o robot tamén realiza un control de presencia de peza antes de paletizar, para poder detectar calquer tipo de erro ocasionado durante a inxección.

O traballo de Decuna comprendeu tamén facer unha simulación antes de realizar o proceso, co fin de estimar o tempo de ciclo e asentar as bases da programación dos movimentos do robot.

Para un fabricante de componentes electrónicos e de telecomunicacións, Decuna deseñou e puxo en marcha liñas de produción e ensamblaxe de componentes totalmente automatizadas, así como sistemas robotizados de manipulación para carga e descarga de máquinas.

Nun dos proxectos, integráronse con un robot equipado con un manipulador neumático de vácuo dous sistemas de visión artificial:

- un para corrixir desviacións no posicionamento das placas a alimentar na máquina

- outro sistema de visión con láser controla a espesura destas placas, de modo que non se introduzan dúas placas xuntas na máquina.

Decuna suministrou e realizou a posta en marcha dun robot paletizador para caixas de cartón á saída dun almacén automatizado. As características do material almacenado son diversas: caixas de diferente tamaño, peso e tipo de cartón, e cumprindo cuns requisitos esixentes de tempo de ciclo.

Para isto, Decuna deseñou a garra do robot, un sistema de agarre de caixas robusto e versátil, que se adapta a diferentes tamaños. O sistema admite tamén dúas dimensións de palets: 800x1200 e 1000x1200. A colocación de caixas no palet (mosaico) é tamén especial para cada tipo de referencia, podendo mesmo manexar palets incompletos e con referencias distintas.

O suministro incluiu un sistema para configurar as referencias a paletizar, así como a posta en marcha e o sistema de seguridades.

Un programa PC desenvolto por Decuna permite a comunicación dos parámetros de palets (tipos de caixa, mosaicos), xerando automaticamente a colocación óptima das caixas no palet.

Decuna desenvolveu un sistema que permite, de forma completamente automática, clasificar e armacenar todas as referencias do cliente coa axuda duns robot paletizadores.

Con este obxectivo, foron preparadas 18 liñas de clasificación (2 para produto rexeitado, e as 16 restantes que alimentan o sistema de paletizaxe final).

Un sistema de códigos de barras con leitores ópticos é utilizado para clasificar o produto. Realízase tamén unha pesaxe de cada unidade. 4 células de paletizaxe automática dan unha cadencia de 4000 caixas por hora.