Co obxecto de automatizar a fabricación nun proceso de inxección de plásticos, Decuna implantou un robot de descarga e paletizado para atender dúas inxectoras.

A vantaxe principal é que o robot é capaz de descargar as pezas ao saíren do molde da inxectora e colocalas en cestóns en automático. Isto principalmente aforra o custo de colocar dous brazos robots para cada máquina de inxección, facendo que un robot sexa capaz de servir ás dúas.

O robot recebe mediante comunicación coa inxectora os sinais necesarios para saber cando retirar a peza da mesma.

Alén diso, o robot tamén realiza un control de presencia de peza antes de paletizar, para poder detectar calquer tipo de erro ocasionado durante a inxección.

O traballo de Decuna comprendeu tamén facer unha simulación antes de realizar o proceso, co fin de estimar o tempo de ciclo e asentar as bases da programación dos movimentos do robot.

Para un fabricante de componentes electrónicos e de telecomunicacións, Decuna deseñou e puxo en marcha liñas de produción e ensamblaxe de componentes totalmente automatizadas, así como sistemas robotizados de manipulación para carga e descarga de máquinas.

Nun dos proxectos, integráronse con un robot equipado con un manipulador neumático de vácuo dous sistemas de visión artificial:

- un para corrixir desviacións no posicionamento das placas a alimentar na máquina

- outro sistema de visión con láser controla a espesura destas placas, de modo que non se introduzan dúas placas xuntas na máquina.

Decuna suministrou e realizou a posta en marcha dun robot paletizador para caixas de cartón á saída dun almacén automatizado. As características do material almacenado son diversas: caixas de diferente tamaño, peso e tipo de cartón, e cumprindo cuns requisitos esixentes de tempo de ciclo.

Para isto, Decuna deseñou a garra do robot, un sistema de agarre de caixas robusto e versátil, que se adapta a diferentes tamaños. O sistema admite tamén dúas dimensións de palets: 800x1200 e 1000x1200. A colocación de caixas no palet (mosaico) é tamén especial para cada tipo de referencia, podendo mesmo manexar palets incompletos e con referencias distintas.

O suministro incluiu un sistema para configurar as referencias a paletizar, así como a posta en marcha e o sistema de seguridades.

Un programa PC desenvolto por Decuna permite a comunicación dos parámetros de palets (tipos de caixa, mosaicos), xerando automaticamente a colocación óptima das caixas no palet.

Esta instalación realiza o aporte de pasta de soldadura necesario en "coolers" para a industria da automoción. Esta pasta de soldadura permite un acabamento de alta calidade na peza, que despois da aplicación da pasta será introducida nun forno.

O aporte de pasta necesita ser feito con especial precisión. A mesma pasta presenta bastante variabilidade ao longo da súa aplicación, e necesita ser calibrada cada certo tempo.

Anteriormente, a operación era efectuada por un operario experto.

O robot introduce unha serie de melloras importantes no proceso:

• a repetitibilidade do proceso
• reducir o custo do mesmo
• calibración automática da pasta e adaptación do proceso de aplicación ás cualidades da pasta neste momento.

Decuna realizou a aplicación baixo o conceito "chave en man", asumindo o deseño mecánico da mesma, a coordenación cos diversos fornecedores e a integración e posta en marcha do sistema na planta.

Vídeo demostrativo

No seguinte vídeo, pódese ver a cabina en operación desde diversos ángulos.

Un útil deseñado a medida impregna a peza por dentro de pasta de soldadura. O contorno a ser soldado da peza é recuberto polo sistema por meio dunha agulla e do posicionamento co brazo do robot.