Trazabilidade
Liña clasificadora automática para amostras de laboratorio
Get the Flash Player to see this player.
Baixo o conceito "chave en man", Decuna realizou para un laboratorio de análise de amostras de leite o deseño completo e posta en funcionamento dunha liña clasificadora automatizada con robot.
O propósito da liña é múltiplo:
- colocar as amostras en "pucks" (bases plásticas que permiten o seu traslado nas carrileiras)
- captura de datos, identificando cada amostra mediante leitura de código de barras e dándolle entrada no sistema
- agrupar diferentes conxuntos de amostras en "racks" para a súa entrada ás máquinas de laboratorio
A liña integra diferentes máquinas que destapan as amostras, insertan un conservante e as voltan tapar. Un robot, cunha garra capaz de manipular tanto racks como amostras, realiza a colocación dos tubos nos racks e os coloca en bancadas para seren recollidas polos operarios e cargadas nas máquinas de análise.
Automatización dun transtocker para unha planta de asentos para automóveis
Decuna realizou, traballando conxuntamente cun integrador que proporcionou a parte mecánica da instalación, o deseño, automatización e posta en marcha dun "transtocker" (transportador elevador automático) para unha liña de produción de asentos para automóvel.
O transtocker permite un gran aforro de espazo para a planta produtora, asà como unha optimización dos procesos produtivos para poder subministrar os asentos non só "Just in Time", senón "Just in Sequence" (na mesma orde que o fabricante de automóveis require na súa produción).
Automatización análise bacteriolóxica para laboratorio
Get the Flash Player to see this player.
Con esta automatización de proceso, Decuna aumentou notabelmente a produtividade nun laboratorio de análise de leite, concretamente na fase de análise bacteriolóxica.
A automatización realizada sobre equipos existentes permite a carga en automático das placas de semente bacteriolóxica desde os racks. Os racks, que conteñen 10 botes de amostras de leite, son cargados nun acumulador polos operarios do laboratorio. Estes racks van avanzando cara a zona de semente, onde as pipetas cargan as placas de amostras, e son trasladados á zona de descarga para seren recollidos polos operarios.
As placas de semente e as amostras van identificadas cunha etiqueta de código de barras. O sistema permite cruzar os datos das amostras e das placas, obtendo a trazabilidade total no proceso.
Deste modo, en caso de obter un positivo na análise, o software identifica inmediatamente:
- a ubicación da mostra (para realizar unha contraanálise)
- a explotación gandeira onde se orixinou
- o animal ao que corresponde
Máquina para montaxe de volantes
Nesta máquina, mentres se monta o produto final, un volante, realÃzanse tests mecánicos e eléctricos. A aplicación de software que controla a máquina comunÃcase integrándose co ERP do cliente, dando información de trazabilidade do produto.
As comprobaciones realizadas no proceso son as seguintes:
- contactos eléctricos e continuidade,
- claxon,
- cor,
- tipo de produto,
- presencia de elementos
- par de parafusaxe
Un leitor de código de barras verifica o lote e secuencia de produción. Aliás, o PanelPC xera ordes de produción, e manexa o controlo da trazabilidade do produto.
Máquinas similares instaláronse noutras plantas en todo o mundo:
- TRW Timisoara (RumanÃa)
- Dalphi Metal (Portugal)
Controlo visual sobre operación de usinaxe en gaiolas de rolamentos
Decuna desenvolveu un sistema que, mediante o uso de técnicas de visión artificial, permite comprobar se a operación de usinaxe foi realizada nas 12 praias da gaiola de rolamentos das xuntas homocinéticas.
O sistema ten que ser capaz de, en menos de 2 segundo, detectar se a operación de usinaxe foi realizada de forma adecuada (dentro das marxes de tolerancias, sen refugallos de material...).
Estes requisitos tan esixentes son necesarios dado o tempo de ciclo do cliente. De todas formas, o sistema é capaz de realizar esta operación con grande fiabilidade cumprindo coas expectativas.
